SALAH

ANG LIMANG HALIGI NG ISLAM

2)ANG SALAH (PAGDARASAL)

Ang pang-araw-araw na pagdarasal ay isinasagawa limang ulit sa maghapon bilang tungkulin sa Allah. Ito ang nagpapatatag at nagbibigay sigla (at lakas) sa pananalig sa Allah at nagbibigay inspirasyon sa tao upang mabuhay ng marangal. Ito ang nagpapadalisay sa puso at pinipigil ang mga tukso tungo sa kasamaan at mga kasalanan.

Ang WUDU

Ang Wudu’ ay isang pamamaraan ng paglilinis sa ilang ng katawan bilang pang- espiritwal na kadalisayan sa pamamagitan ng malinis na tubig. ito ay isang patakaran bago mag-alay ng Salah.

Si Propeta Muhammad ay nagsabi: (Walang Salah (na tatanggapin ng Allah) para doon sa mga hindi nagsasagawa ng Wudu’) (Ahmad).

Ang SALAH

Tungkulin ng bawat muslim ang mag salah ng limang beses sa isang araw:

1. Ang Salatul-Fajr :(pagdarasal sa madaling araw) ay binubuo ng dalawang Rak'ah o yunit.

2. Ang Salatul-Dhuhr :(pagdarasal sa tanghali) ay binubuo ng apat na Rak'ah o yunit.

3.Ang Salatul-Asr :(pagdarasal sa hapon) ay binubuo ng apat na Rak'ah o yunit.

4. Ang Salatul-Maghrib :(pagdarasal sa paglubog ng araw) ay binubuo ng tatlong Rak'ah o yunit.

5. Ang Salatul-Isha :(pagdarasal sa gabi) ay binubuo ng apat na Rak'ah o yunit.

 

SALAH mga hakbang:

1)Humarap sa qiblah, ang dakong kinaroroonan ng Ka'abah sa Makkah al-Mukarramah.

 

2)Bigkasin ang "Allaahu Akbar“ (Si Allah ay Dakila) habang itinataas nang pantay balikat o tainga ang mga kamay na nakabukas.

 

3)Ilagay ang mga kamay sa dibdib na nakapatong ang kanan sa kaliwa.

   

4) Bigkasin ito nang tahimik:

“Subhaanakal Lahumma Wa Bihamdika Wa Tabaarakasmuka wa Ta'aalaa Jaduduka wa Laa ilaaha Ghayruk“

(o Allah, sumaiyo ang kaluwalhatian at ang pagpupuri maluwalhati ang Iyong pangalan, kataastaasan ang Iyong karangalan sapagkat walang ibang diyos bukod pa sa Iyo).

 

5) Bigkasin ito nang tahimik:

“A’oodhu Bil laahi Minash Shay Taanir Rajeem Bismillaahir Rahmaanir Raheem“

(Ako ay nagpapakupkop kay Allah laban kay Satanas na isinumpa. Sa ngalan ni Allah, Ang Mahabagin, Ang Maawain).

 

6) Bigkasin ang SURATUL-FATIHAH:

Alhamdu Lillaahi Rabbil-’Aalameen,

Arrahmanir Raheem

Maaliki Yawmiddeen

Eeyyaaka Na’budu Wa Eeyyaaka Nasta’een

Ihdinas Siraatal Mustaqeem

Siraatal Ladheena An’amta Alayhim

Ghayril  Maghdoobi Alayhim Walad Daalleen.

7)Bumigkas ng kahit anong bahagi ng Qur’an (Kapag nagsa salah na kasama ng imam (taong nangunguna sa salah), huwag nang bumigkas ng kahit anong talata ng Qur'an. Sapat na lamang na bigkasin nang tahimik ang Surah Al-Fatihah matapos na ito ay bigkasin ng Imam).

SURATUL-IKHLAS

Qul Huwal Laahu Ahad

Allaahus Samad

Lam Yalid Wa Lam Yoolad

Walam Yakul Lahu Kufuwan Ahad.

8) Itaas nang pantay sa balikat o tainga ang mga nakabukas na mga kamay habang sinasabi ang “ALLAAHU AKBAR”.

Pagkatapos ay iyuko ang ulo na kasama ang katawan. Ang katawan ay nakayukong tuwid habang nakahawak ang dalawang kamay sa mga tuhod.

9) Habang nakayuko, bigkasin nang tahimik ang:

“Subhaana Rabbiyal Adheem”

(Kaluwalhatian sa aking Panginoon na Pinakadakila) Mas mainam kung ito ay bibigkasin nang tatlong beses.

10) Itayo ang katawan habang itinataas ang mga kamaya at ipantay ang mga ito sa balikat o tainga, at saka ilagay sa dibdib na nakapatong ang kanan sa kaliwa. At pagkatapos ay bigkasin nang tahimik ang mga sumasunod.

Kapag nagsa salah nang mag-isa, ito ang bigkasin bago ang nabanggit sa itaas:

“Sami’ Allaahu Liman Hamidah”.

(Dinidinig ni Allah ang sino man na nagpupuri sa Kanya)

  “Rabbana Lakal Hamd Mil’as Samawati Wa Mil’al Ardi Wa Ma Shi’ta Min Shay’in Ba’d”

(panginoon naming, sa Iyo po Lamang nauukol ang  mga pagpupuring pumupuno sa mga langit at pumupuno sa lupa at pumupuno sa ano mang bagay na naisin Mo) 

11)Pagkatapos ay magpatirapa habang binibigkas ang “Allaahu Akbar” Sa pagpapatirapa, kinakailangang ang noo, dulo ng ilong, dalawang palad, dalawang tuhod, at mga daliri ng dalawang paa ay pawing nakatukod lahat sa sahig.

Habang nakapatirapa, bigkasin nang tahimik ang “Subhaanna Rabbiyal A’alaa” (kaluwalhatian sa aking Panginoong kataastaasan) Mas mainam kung ito ay bibigkasin nang tatlong beses.

12)Pagkatapos ay bigkasin ang “Allaahu Akbar”.

Habang itinataas ang ulo at katawan upang umupo. At habang nakaupo, bigkasin nang tahimik ang:

“Rabbigh Firlee War Hamnee Wahdinee War Zuqnee Waj Bur Nee Wa Aafinee”

(Panginoon ko, ako po ay Iyong patawarin, ako po ay iyong kaawaan, ako po ay Iyong patnubayan, ako po ay Iyong tustusan sa aking mga pangangailangan, ako po ay Iyong aliwin, at ako po ay iyoung pagalingin).

13)Bigkasin ang “Allaahu Akbar” habang nagpapatirapa, sa ikalawang pagkakataon. At habang nakapatirapa, bigkasin nang tahimik ang “Subhannaa Rabbiyal A’alaa” Mas mainam kung ito ay bibigkasin nang tatlong beses.

14)Pagkatapos ng ikalawang pagpapatirapa ay muling tumayo habang binibigkas ang “Allaahu Akbar” upang simula ang ikalawang Rak’ah.

Muling gawin ang ginawa mula sa bilang 6 (ikaanim) hanggang sa katapusan ng bilang 13. Sa bilang 7 mas mainam na bumigkas ng bahagi ng qur'an na iba kaysa unang binigkas, kung ikaw ay hindi nagsa salah na kasama ng Imam.

 

15)Matapos na makapagpatirapa nang dalawang ulit, nakumpleto mo na ang ikalawang Rak’ah o yunit. Manatiling nakaupo at bigkasin nang tahimik ang Tashahhud:

“At Tahiyyaatu Lillaahi Was Salawaatu Wat Tayyibaatu Assalaaamu ‘Alayka Ayyuhan Nabeeyu Wa Rahmatul Laahi Wa Barakaatuh. Assaalamu Alaayna Wa Alaa Ibaadillaahis Saaliheen. Ashhadu Allaa Ilaaha Illallaah Wahdahu La Shareeka Lah Wa Ashhadu

Anna Muhammadan Abduho Wa Rasooluh.

Allahumma Salli Alaa Muhammad Wa Alaa Aaali Muhammad Kamaa Sallayta Alaa Ibraaheema Wa Alaa Aali Ibraaheema Innaka Hameedum Majeed. Wa Baarik Alaa Muhammad Wa Alaa Aali Muhammad

kamaa Baarakta Alaa Ibraheema Wa

Alaa Aaali Ibraheema Innaka Hameedum Majeed".

16)Pagkatapos ng Tashahhud ay mag Tasleem. (Lumingon sa kanan habang sinasabi ang “As-Salaamu Alaykum warah Matullah” (Sumainyo ang kapayapaan at ang habag ni Allah). At saka lumingon din sa kaliwa habang sinasabi ang “As-Salaamu Alaykum warah Matullah” .